Pag-ampo alang kang San Lorenzo Ruiz ug Mga Kauban

O Dios, among mahigugmaong Amahan,

ang Imong Anak nga si Jesucristo

mitugyan sa Iyang kaugalingon

ingon nga halad tungod sa gugma sa katawhan.

Hatagi kami og kusog ug kadasig sa paghigugma

Kanimo sa tibuok namong kasingkasing,

bisan mosangpot sa sakripisyo.

Ang Imong mapinanggaong kamot

naggiya sa Imong mga alagad,

San Lorenzo Ruiz ug iyang mga kauban,

ngadto sa yuta sa Japan,

diin ilang gisunod ang sakripisyo ni Cristo.

Ilang gipadayag ang Ebanghelyo sa kamatuoran

ug ang mensahe sa kaluwasan.

Mapainubsanon kaming nangamuyo kanimo,

pinaagi sa pangaliya niining mga Balaang Martir,

nga hatagan kami sa grasya sa pagpabilin nga matinud-anon

ug  matinumanon Kanimo sa tanang panahon;

aron ang kahayag sa Ebanghelyo

modan-ag sa tanang dapit sa among Kristohanong Nasod

ug sa tibuok kalibutan,

haduol man o halayo,

alang sa Imong Labawng kadungganan ug himaya,

ug alang sa among pagkabalaan.

Kini among gipangayo pinaagi ni Kristo among Ginoo.

Amen.

San Lorenzo Ruiz ug mga kauban, I-ampo ninyo kami.

Amahan namo...

Maghimaya ka Maria...

Himaya sa Amahan...